BARRO FASHION SOLIDARIO NO PAZO DA CREGA

No serán do 22 de xullo, celebrouse unha gala solidaria patrocinada polo Grupo Jorge Ordoñez , Bodegas Las cañas D.O. Rías Baixas , no Pazo da Crega en Barro na que participaron  diseñadores/as e firmas que desfilaron a favor de ASANOG baixo a música conducida por  Universe DJ e a colaboración na  maquillaxe  e perruquería das mans de Luz Domínguez Peluquería de Barro  e “Isa Nails & beauty” de ‪Moraña‬ .

“El Armario de Bubu” vestiu cos seus productos aos máis peques que estrearon a pasarela. D’Allegro con Matilda Wish foron as seguintes… e Thalita Dumont trouxo desde Vigo e a Escola Pin Factory os seus deseños. Hats by Araceli Carro mostrounos as cabezas ben vestidas… MandaRita encheu coa sua frescura a pasarela… A Escuela Técnica de Joyería del Atlántico con Xoiart joyeria artesanal e  Loló diseños tamén tiveron un oco para as súas creacións.

D’NOA con Maribel ao frente é das incondicionais da Barro Fashion xunto con Mi Vestidor Azul  que non faltaron tampouco á cita e despois, o deseño e a elegancia da colección da  Galeria Noelia Peña de Sanxenxo.

María Viqueira achegou a súa nova colección á pasarela coma tamén os deseños persoais de primeira colección de Cenicienta de Cristal

Último pase de xoiería e complementos tivo como protagonista a Leyla Al-Azmeh Creaciones da Escuela Técnica de Joyería del Atlántico, para cerrar esta edición da Barro Fashion coa colección de Maribel Peláez da Escuela Pin Factory ‪de Vigo.

Nós queremos agradecer á organización as facilidades e a súa boa disposiciónpara facilitar o noso “traballo”. ¡Volveremos para apróxima!

Se tedes interés por algunha foto ou simplemente queredes contactar connosco este é o noso correo:  aretrateira4@gmail.com

 

FEIRA MEDIEVAL EN NOIA, 2016

Por segundo ano acudimos á Feira do medievo en Noia; son moitas a feiras medievais que se fan na nosa contorna pero sen dúbida, do atractivo desta, poucas.

É certo que o rueiro da vila é un plus e instalala en todo casco antigo é unha ventaxa que non teñen noutros lugares, xa sexa por ausencia de casco antigo ou pola manía de fechar nun espazo reducido unha actividade que necesita “aire”.

Decidiron potenciar os oficios e dende logo que foi un acerto.

Artes e oficios espallados por las r

As persoaxes curiosas contribuen a crear un ambiente que precisa de todo o mundo, incluid@s @s visitantes.

Os grupos de animación son realmente de luxo.

A noria de madeira, o carrusel cos cabaliños…

E @s mercaderes…

As xustas celebraronse con grande éxito e co entusiasmo do público.

Pola noite, ¡LUME!

E o momneto máxico do acendido dos fachos nas rúas…

É esta unha das nosas celebracións favoritas do verán, pola ambientación, a vila e as xente que participan tan activamente da festa.

¡Volveremos o ano que ven!

Desenfreno Cabaret é un espectáculo que chegou a Vilagarcía o pasado sábado día nove no emblemático Salón García.

Os seus autores  son  Ozkar Galán e Agustín Leirós, este último é tamén o director do “Desenfreno”.

Esté colorido espectáculo ven da man da compañía  viguesa “Dream Walkman teatro” quen o define como: “Sexo, ideas e moito follón” e está coreografiado por María de Heredia , Laura Cabaleiro que é a pianista,  Hugo Santos que eles mesmos definen como “o noso home, o macho doespectáculo”, ademais de Lucía Cabodevila.

 Duas horas de desenfreno para non perdelo.

Sabela Cereijo

No espectáculo desta noite contouse coa artista convidada  Sabela Cereijo.

Á marxe do interés musical, cómico e satírico destacar a súa beleza visual que nós tratamos de recoller para poder mostravolo e deste xeito convidarvos a que , si tedes oportunidade, non perdades a ocasión de presencialo, ben paga a pena.

RAPA DAS BESTAS DE AMIL (Moraña), 2016

 

Este sábado tivo lugar no concello de Moraña  a súa tradicional rapa, no monte Acibal xuntaronse os cabalos de diferentes manadas uns días antes para ser congregados diante do curro e logo introducidos nel para ser rapados.

Afortunadamente as malas expectativas que barallaban na Asociación Cabalar Monte Acibal, organizadora da actividade, baseadas nos ataques de lobos ou cans asilvestrados que houbo este ano, non se cumpriron e as rapas celebrárose igual.

Nunha tarde de moscas e calor, as horas previas, a xente aproveitaba para descansar, os organizadores para arranxar as últimas cousas e os fotografos a buscar o mellor sitio dentro do curro.

Cun pouco de retraso comezou o curro , como é de costume retirando aos poltros para que non sufriran dano algún.

A rapa das bestas está sendo considerada últimamente coma maltrato animal por parte de algunha xente que descoñece e non ten interés en coñecer o procedemento; unha manada, saneada e desparasitada garantirá a sua calidade de vida, facelo de xeito conxunto é mellor para os cabalos que se sinten máis seguros.

Se tedes interés por algunha foto ou simplemente queredes contactar connosco este é o noso correo:  aretrateira4@gmail.com

SEN PAU NIN CORDA. Rapa das Bestas Sabucedo 2016

O curro de Sabucedo é unha tradicional actividade que consiste no saneamento da cabaña cabalar que vive en liberdade polos montes da Parroquia de San Lorenzo de Sabucedo (A Estrada) é o momento do ano en que se raan as crins e se desparasitan vía oral; catalogada como Festa de Interese Turístico Internacional, conta con máis de 400 anos de historia.

A relación dos cabalos co home ven de lonxe, os fillos do vento conviven nunha relación simbiótica de respeto.

O espectacular momento dos “centaur@s”, no que @s aloitadoes/as  cabalgan a lomos dos fillos do vento,  só nese momento sabemos da forza e do esforzo…

Tapárlle os ollos á besta é imprescindible,  non ver quitalle o medo…

A Rapa é un traballo de equipos …

A manada forma un círculo máxico que protexe aos cabalos e eugas…

Ás veces parecera que o autor de “A Song of Ice and Fire” (xogo de tronos) tivera visitado Sabucedo para  crear os Dothraki e que a mesmisima Daenerys  Targaryen cabalgara pola parroquia co nome de Lucía….

Retrocedemos ata cando a doma era un arte…

Cóntannos que as crins son codiciadas para facer postizos das trenzas que usan as pandereteiras ou bailadoras dos grupos tradicionais de baile, nestes tempos nos que levar a melena longa é de paciencia e coidado … ou de ser aloitadora e chamarse Lucía.

Certo que ás veces rematan aos tombos polo chan , ¡home e cabalo patas para arriba!

Non hai paus, nin cordas, só as mans e os corpos dos cabalos, eugas , aloitadoras e aloitadores dominan os medos, e con agarimo someten a vontade das bestas as que se lle fala e tranquiliza ate rematar o proceso .

 Por momentos o espazo é pequeno de máis ata para a manada.

O sol de xustiza non impediu que o recinto estivera ata a bandeira e calquera cousa serviu para protexerse.

É tan de festa o día que a herba servelle ás eugas para adornar as súas crins.

A festa do compañerismo . A tradición perpetúase de ailotadoes/as  a  fill@s …

A concentración e fundamental pola seguridade de tod@s.

Os poltros son sepadados temporalmente do nó da manada, nun fechado á sombra escoitan pero non ven, cando remate a rapa volverán ao seu colo acolledor.

A Rapa das bestas é mistica, tan sagrada que en calquera momento aqueles deuses e deusas de ríos e carballos poideran reaparecer pola parroquia de Sabucedo.

Se tedes interés por algunha foto ou simplemente queredes contactar connosco este é o noso correo:  aretrateira4@gmail.com

 

Cabalo e aloitador, tradición e actualidade. 

II Semana da moda de Ribeira

Xa hai dous meses que andivemos por Ribeira, era sábado e era a xornada central da Semana da Moda organizada  polo Centro Comercial Aberto VIAMARE coa Asociación de Empresarios de Riveira e o Centro Hostaleiro Aberto CHA , que por mor da chuvia debeu facerse a cuberto, no pavillón polideportivo, e non na rúa como estaba previsto.

Os contactos previos e o recebemento foron impecables, pero descoñecemos o motivo, a medida que foi avanzando a xornada, cun retraso considerable no inicio do desfile, empezamos a ter serios obstáculos para realizar unha reportarxe en condicións; queremos crer que sucedeu isto debido á nova ubicación que non reunía as condicións para as que estaba programado o evento.

Se a organización acepta suxerencias constructivas, deberían ter acreditados aos fotógrafos e establecido os lugares onde se poden mover. É costume de moitos organizadores de eventos de moda usar  luz ultravioleta (luz negra) que modifica notablemente as texturas e colores do producto que teñen que vender e condiciona a calidad da fotografía a non ser que dispoñas dun equipo absolutamente profesional.

Certo que se pode usar un editor e correxilas, pero as cores solo se pareceran ás reais.

Debemos agradecer especialmente a disposición das modelos e da encargada de maquillaxe e perruquería que estiveron á nosa disposición o tempo que quixemos, eso acaba notándose.
Pero cando as luces foron apagadas de súpeto complicouse a cousa e como sentados non podiamos facer fotos, optamos por marchar.

Realizar un evento destas características entendemos que é complicado, pero todo se pode mellorar e animamos dende aquí á organización para que así o faga.
¡Agardaremos á terceira edición!

Se tedes interés por algunha foto ou simplemente queredes contactar connosco este é o noso correo:  aretrateira4@gmail.com

 

Jose Cuervo, María Martínez Redondo, Pilar Gómez Buhígas e Andrea Fdez. Maneiro somos A Retrateira.

Unha retrateira non é outra cousa que unha máquita de facer retratos, un trebello que cada quen usa como lle peta, despois de ler as instruccións e terlle collida a agulla de marear.

Somos catro retrateiras diferentes, catro visións variadas, ás veces diverxentes outras coincidentes; somos catro persoas namoradas da fotografía que tentamos sobre todo mellorar día a día (e iso só se fai facendo moitas fotos e desbotando moitas delas), pero sen dúbida o principar é disfrutar desta arte, porque si non te divirtes, non aprendes, e se non aprendes cada xornada alguna cousa mellor que o deixes.

Comprometémonos a aprender, a practicar e a disfrutar co que facemos e, deste xeito, facer que tamén vós poidades disfrutar co noso traballo.